Náttúru- og menningarsetrið Skálanes var stofnað vorið 2006 og er stunduð þar ferðaþjónusta með áherslu á góða þjónustu í mat, gistingu og ferðum, umhverfisvernd er annað aðalverkefni Skálanes. Markmið Skálanesseturs er að stuðla að rannsóknum á Skálanesi og umhverfi þess. Skálanessetur býður styrki og getur veitt milligöngu styrkumsóknum til handa háskólanemum sem vilja sækja svæðið og vinna sín verkefni þar. Verkefni þessara nema verða að vera um eitthvað sem finna má á svæðinu eða tengist því. Þegar skýrslur með niðurstöðum rannsóknanna eru taldar saman skapast möguleikar á því að uppfræða gesti okkar um fyrirbæri sem eru sértæk á Skálanes.  Að því marki að auka vægi Skálanes með ofangreint í huga hafa landeigendur komið á friðlýsingu sem í bland við námsritgerðir er ætlað að vega vægi hvors annars upp.

Staðarhaldarar á Skálanesi leggja áherslu á að kynna fólki náttúruna og samspil það sem stöðugt á sér stað milli hennar og mannfólksins. Virðing og nærgætni er höfð að leiðarljósi gagnvart náttúrunni.

Aðstaða

Gistiaðstaða fyrir 16 manns, matsala, fullbúin salerni og böð, gönguleiðir og aðstoð starfsfólks.

Opnunartími

Frá 1. maí til 15. sept 2007 er opið alla daga.

Til að bóka eða leita upplýsinga

Sími :690-6966
vefpóstur  skalanes@skalanes.com
www.skalanes.com